كيف تعرف إذا كنت مكاوي؟


تعرف إنك من مكه لما:

١- تستقبل رمضان بواحد عشرين طلقه مدفع تطلق لحظة إعلان دخول الشهر من “جبل المدافع”
٢- تستحم بمويه حلوه “مو تحليه” من عين زبيده
٣- تشتري الحلويات من “أبو صحن” ومن “الحجه”
٤- تنقنق على: الفصفص و الكرمب والدقه والحمر الجاوي والحبحبو وحلاوه طوب والبليله واليغمش والفرموزه
٥- تكست لو مره في حياتك
٦- تاكل شوربه وتقاطيع وكبده على الفطور
٧- تاكل الحبحب مع الرز
٨- تطلعوا تمشيه تروحو عرفه ومنى
٩- تعرف يعني ايش زقاق
١٠-تقضي مقاضي العيد من “سوق اللصوص”
١١- أهلك يفصلو فساتين العزايم في “سوق البياري”
١٢- سفرة رمضان لازم عليها سوبيا وفول أو قلابه وشوربة حب
١٣- كان المجلس “طراريح ومساند” وقبل العيد تودوها تنجدوها عند المنجد
١٣- وأنت صغير لعبت “واحد طش” و”بربر” و”حجره بقره” و”حركه صنم” و”يالعمال العماليه” و”طاق طاق طاقية” وكان عندك في البيت “كيرم” و”مدوان”و”نبيله” و”برجون”
١٤- خوفوك وإنت صغير من “حمارة القايله”
١٥- تنادي كل اللي أكبر منك أبلة وستيته وسيدي
١٦- تعرف يعني ايش “تيس القراره ”
١٧- أبوك يلبس “فوطة” في البيت
١٨- ستك تلبس “المدوره” و”الصديري” و”السروال” وتكحل بالمرود
١٩- تعرف تلف العمه الحلبي
٢٠- الملكه في الحرم ومعاكم “الجسيس”
٢١- يوم الفرح لازم “مزمار” وأشهر مزمار في مكه “أبو معلا ”
٢٢- رحت ملاهي “بدر” وأكلت حلاوه “كوكو” و”دجاج البر” هناك
٢٣- كل ما تشوف طياره تصرخ “طيااااااااااااااره”
٢٤- سيارتك دايماً مصدومه أو محكوكه حتى لو لها يوم بس من طلعت من الوكاله
٢٥- تحلم تقضي مقاضي المدرسه من “بن داوود
٢٦- تعرف تنطق أسماء الأحياء في مكه: القشاشية، المسفله،الهنداويه،العتيبية، الحجون، الخانسه، كدي، النكاسه،ريع أبو لهب، الملاوي،النواريه،العوالي، الكعكيه،المدعى؛ الغزه

5 thoughts on “كيف تعرف إذا كنت مكاوي؟

  1. ههههههههههههه كلها كوم وتيس القراره كوم .. ويسمونه كمان تيس البلديه .. كلها تحمل عبق الزمن الجميل .

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s